دنیا بھاہ اے سڑدے پئے ہیں...!
کوڑ فریب تے چلدے پئے ہیں...!
اندر ساڈا__کالا دھوں اے ..!
باہروں یار سنوردے پئے ہیں....!
زندگی دا_کوئی پتا کئنی....!
پیسے دی ڈھیر تے مردے پئے ہیں
ساڈی بھینڑ کوں کوئی نہ ڈیکھے
بئے دی بھینڑ دو تنڑدے پئے ہیں
پیسہ آووے جڈوں وی آووے
چوک تے ساڈا مل نہ ڈھاوے
جو شئے بھاوے اساں دو آوے
کم کرڑڑن تے مشکی کھاوے
حلال حرام دا پتا کائنی....!
جو شئے ملے پیتی ویندوں
سچے پاسے منہ نئیں تھیندا
کڑے پاسے تھئے زیٹی ویندوں
تیکوں کون ڈسے۔۔۔۔!
جیرھا کھلدیں ہوئیں نہ تھکدا ہا۔
آج روندے رو رو بڈ ویندے۔
.........
تیکوں کون ڈسے۔۔۔۔!
تیڈے رستے تیں۔
ڈو اکھیں لاتھین آج تانڑیں۔
تیکوں کون ڈسے۔۔۔۔۔۔!
جیندی ہک سگریٹ چھڑوائی ہاوی۔
100 سگریٹ روز دے پی ویندے۔
تیکوں کون ڈسے۔۔۔۔۔!
او سوہنڑہ گبھرو وستی دا۔
بنڑ پاگل پھردے وستی وچ۔
....
میں اوں شخص دے پیریں ڈھہہ کے منتاں زاریاں کیتن
کیا پُچھدیں تو سوہݨا سانول کتنیاں ساریاں کیتن
میڋا کم ہا رووݨ دھووݨ ،او تاں میں وی کیتے
او ونڄݨا ہا اوں تاں اپݨیاں رج کے تیاریاں کیتن
اللّٰہ سئیں آں، ہک واری تاں او ویہلا ول آوے
جئیں ویہلے میں نال بِہلا کے تابعداریاں کیتن
تیڋے بعد تاں میں سمجھا ہا ساہ دا گھوڑا مرسی
تیڋے بعد تاں ایں گھوڑے تے مونجھ سواریاں کیتن
تیڋا ساڋا ہا تاں گوہر سچ دا سانگا لیکن
تئیں وی ساکوں کُوڑا سمجھے ،بے اِتباریاں کیتن
.......
غزل.... بلال باقر
سِک دا حامی ھے جُھمر تے آ سڳدا ھے
خیال قیدی تاں نیں غم تے آوے چھڑا
اے الہامی ھے جُھمر تے آ سڳدا ھے
اونکوں آکھو نغارے دی کَو کُجھ گھٹا
ھک سونامی ھے جُھمر تے آ سڳدا ھے
میں آں شہری ولیمے تے آساں چھڑا
دل مقامی ھے جُھمر تے آ سڳدا ھے
جے کوئ مولی ھے جاڳے تے آوے سدا
جے سُوامی ھے جُھمر تے آ سڳدا ھے
....
کتھاں ہاوے ،آؤ بسم اللہ
تھوڑی دیر تاں باؤ بسم اللہ
ساڈے تے اتبار کریسو؟
قسماں چیسو؟ چاؤ بسم اللہ
پہلی ریل سویلے آسی
رات اتھائیں رھاؤ بسم اللہ
اے کوئی گال اے گھر ونجڑاں ایں
روز جو ویندے ہاؤ ، بسم اللہ
گال مُکیسو! کیوں نہ مُکسی
تیلی لیسو؟ لاؤ بسم اللہ
گلے شکوے، تھیندے راھسن
پہلے شعر سنڑاؤ ، بسم اللہ
سوہنڑی شئے کوں سوہنڑاں آکھوں
او تاں پہلے ہاؤ......... بسم اللہ
وت وی آسو؟ جی جی کیوں نا
اچھا ویندے ہاؤ ؟ بسم اللہ!!!!!
Comments
Post a Comment