نج آکھیں وقت دے حاکم کوں
ہن اوکھے حال غریباں دے
کجھ سوچ سمجھ تے فیصلے کر
اج کونڑ ہے نال غریباں دے
اِنج پیو روندے اِنج ماء روندی
اِنج روندن بال غریباں دے
یا لہہ آ بےدرد کرسی توں
یا ٹال ڈے کال غریباں دے
......
تیڈی گلی پھردا راہندے سارا ڈینہہ او گھر نی ویندا
یعنی ایویں جیندا ودے جیویں کوئی مر نی ویندا
...........
میں تاں خود کوں وی خود ہنڑ نزردا نہمی
میکوں کیڈے کیتی میکوں کیڈے بھوکائی
....
کاں ھے ناں لالی ھے
دنیا ساری گالھی ھے
میلے دی تیاری ھے
جیب ساڈی خالی ھے
ابے دا پچھانواں ھے
گھر ساڈے ٹالھی ھے
ہاں پھٹ و پھٹ ھے
تیڈی جاہ حالی ھے
پوہ تیڈیاں یاداں ہن
چاہ دی پیالی ھے
تُساں تاں سیانڑیں او
ثوبیہ تاں گالھی ھے
...
توڑے جو برباد کر گیا ہئیں
۔۔ ولا وی ڈیندے دعا کھڑے ہیں
۔۔ سدھ تاں پووے جو کیوں خفا ہئو
۔۔ کیتی کیرھا گناہ کھڑے ہیں
۔۔ دل ہے زوریں تیں گھیل آیا۔
۔ در تیں تیڈے جو آ کھڑے ہیں
۔۔ چال چلیے ہیں آپ الٹی
۔۔ خود کوں کیتی تباہ کھڑے ہیں
۔۔ توں وی باغی بنڑیا نئیں ساڈا
۔۔ جہان توں وی ونجا کھڑے ہیں۔
..
اساں وقت دے ماریے لوکیں کوں
گھٹ ودھ الوا کے ٹھیک کیتی
..
اساں گالہیں گلہوڑیں کوں آئے دوستا
یار سمجھی تاں اعلیٰ معیار ہن تیڈے
...
ذکر تیڈی ہستی دے چھوڑیندے ہیں تاں مردے ہیں
صنم جام مستی دے چھوڑیندے ہیں تاں مردے ہیں
اساں قُلکیں دے واسی ہیں محلیں دا نہ ہیلک کر
الم انا پرستی دے چھوڑیندے ہیں تاں مردے ہیں
عصمت اللہ حاکم
...
جانڑدا ہم تیڈی طبیعت کوں
تہوں میں حجت زیادہ نئیں کیتی
...
جئیں دل وچ پیار دی رمز نئیں
بس اُوں دل کوں ویران سمجھ
جیکوں پیار دی جان سُنجان نئیں
اوں بندے کوں نادان سمجھ
ایہو پیار اے درس ولیاں دا
ہے مسلک پاک نبیاں دا
انمول پیار دی دولت اے
ایں کوں عقبی دا سامان سمجھ
ایں پیار دی خاطر عرش بنڑے
ایں پیار دی خاطر فرش بنڑے
خود پیار خدا وچ وسدا اے
میں سچ آندھاں قرآن سمجھ
ناں چاونڑ پیار دا سوکھا اے
ایں کوں توڑ نبھاونڑ اوکھا اے
معراج تھیندن ایہدے سولیاں تے
کئی چڑھدے نوک سنان سمجھ
ایہیو پیار رب ملوا دیندا
ستے لیکھ نصیب جگا دیندا
جئیں دل وچ پیار دے ڈیرے ہن
بس اوں دل کوں عرفان سمجھ
...
آوے ہجر تساڈے جگر اساڈے لمبے درد غماں دے
بالے•
کھادی ویندے دل کوں درد جدائی ڈیتی جھورے عمراں
گال اے•
نہی صورت رہئ ہنڑ جیونڑ دی تھئے حال کنوں بے حال
اے•
مجبور میاں باجھوں سجنڑاں دے ہنڑ ساڈا بچنڑ محال
اے•
...
کل توڑ گیاں ونج پیر نپے نیئں کیتی ڈھول رسائی •
میری زندگی تے کر اثر گئی اس ڈھول دی بے پروائی•
نت ہجر فراق توں ڈردے ہم چا سنگدل رسم بنائی•
یاسین نوں سجنڑاں انج لٹیائے ودی موت وی رخ بدلائی
Comments
Post a Comment