hello saraiki lover ,saraiki number one

 تیڈے در تے کھلدے آئے ہاسے اے مونجھ اساڈے نال نہ ہئی

نہ رنگ ھا پیلا چہرے تے ساڈی اک وی ایویں لال نہ ہئی

نہ عشق دی منزل پیریں ہئی کوئی مندڑا ساڈا حال نہ ہئی

توں نکھڑائیں ثاقب سدھ پئی اے سکھ زندگی دا بھائیوال نہ ہئی

...

سَسِی رُو رُو آکھے سِینگیاں کُوں جے خان میکوں مِل پُوندا ایں نہ ہوندا۔:

جگ لکھدا ناں اِینویں درد میڈے نا خِیْش میڈا بَہہ روندا ایں نہ ہوندا۔:

ہوندی کیچ شہر دی ملکہ میں جَگ پِیر میڈے کھڑ دھوندا ایں نہ ہوندا۔ :

نہ وِینڑ وَلِیندی میں ارشد نہ تھل وچ مَرڑاں پُوندا ایں نہ ہوندا۔

....

تیڈے ڈکھ سکھ دا بھائیوال ہاں چن میڈا کر اعتبار بلوچ ہاں میں

تیکوں جیندیں چھوڑ نہ ویساں میں ہے قول اقرار بلوچ ہاں میں 

میکوں جان کولوں ودھ پیارا ایں تیکوں کیتے پیار بلوچ ہاں میں 

جتھے دل آکھی آزما ساکوں  ڈیساں زندگی وار بلوچ ہاں میں

...

جیہڑے محرم راز حقیقتاں دے 

او رازِ حقیقت کھول دے نئیں..

جنہاں نئیں ویکھیا او کرن گلاں 

جنہاں ویکھ لیا او تے بول دے نئیں

...

میڈے ازل توں نصیب جو ایویں ہن توں چھوڑ گیئں تیڈی کیا غلطی

 میں روندیں روندیں عمر لنگھائ تئیں یار رووائے  تیڈی کیا غلطی

میکوں اج تئں کئیں سدھے منہ نئیں لایا تئں منہ جو ولائے تیڈی کیا غلطی

وٹے صابری بال مریندے رہے تئیں پتھر جو چائے تیڈی کیا

...

کوئی سنگتی پچھلے جمعے تے بہوں ڈھیر ثواب کماگیئے

چپل وٹاگیئے

آۓ فرض دی یار ادائیگی لئی، کر اپناں فرض اداگیئے،

 چپل وٹا گیئے.

ہائی چار دیہاڑے پہلوں لئی ، کئی سال دی گھسی ھوئی لاہ گیئے

چپل وٹا گیئے.

بھانویں جانڑ کے یا کوئی بھل دے وچ، مظلوم کوں ٹیکہ لا گیئے

چپل وٹاگیئے.‏

....

وفا دی منڑ توں اڈار چھوڑی ❤️تے تیر یاداں دا مار چھوڑی

یار یاریں کوں نھیں وسردے ❤️ غریب ہاسے وسار چھوڑی 

..

نا  بنڑاویں  مکان  کھس  گھنسن۔

تئیں کنوں اے جہان کھس گھنسن۔

زیر زبراں دے نال صحیح صحیح پڑھ۔

نئیں تاں قاری قرآن کھس گھنسن۔

ما تاں روزی دے کیتے ٹورا ہئ۔

کیا پتہ ھا جوان کھس گھنسن۔

اے زمانے دی ریت بنڑ گئی اے۔

سچ الیسیں زبان کھس گھنسن۔

لحظے کیتے وی تئیں کنہائیں پھیرا۔

تئیں توں ثمر دھیان کھس گھنسن۔

...

میں کیا آکھاں آکھنڑ کوڑ اے۔

سر اساڈے  مٹی دھوڑ اے۔

وانڑ کوں کیا دا ڈوہ بہہ ڈیواں!۔

تُرٹا کھٹڑا  ترٹی  چوڑ اے۔

..

نا زُور ساڈا نہ قرض لاہنڑے

وَلِیسُو خالی تاں کیا کرِیسُوں....

حُسن دے شاہُو خیرات ڈِیو چا

غرِیب لوک ہَئیں دُعا کرِیسُوں.

...

جڈاں بخت بہار دے موسم وچ آئے باد خزاں دے جھولے

ہر سمت ہوواں نفرت دیاں پئیاں ڈیون درد دھندولے

ہئی جندڑی جند سکرات اندر اوڈوں سجنڑ اساڈے بولے

تساں ارشد کوں ہنڑ مار ڈیوو متاں راز کہیں دا کھولے

..

تیڈے در تے کھلدے آئے ہاسے اے مونجھ اساڈے نال نہ ہئی

نہ رنگ ھا پیلا چہرے تے ساڈی اکھ وی ایویں لال نہ ہئی

نہ عشق دی منزل پیریں ہئی کوئی مندڑا ساڈا حال نہ ہئی

توں نکھڑائیں ثاقب سدھ پئی اے سکھ زندگی دا بھائیوال نہ ہئی

...

ساڈا زندگی ددےکئیں موڑ توں ناں چایا ساڈی عید ہوسی

ساری عمراں کیتے صبراں دا تئیں مل پایا ساڈی عید ہوسی

خوش تھی کے جیر لے دکھیاں نوں تئیں گل لایا ساڈی عید ہوسی

تہوار ملک دے کیھڑے ہن توں ول آیا ساڈی عید ہوسی

.....

قول قسماں وسار ڈیندن ❤️دل ڈکھیندن تے خار ڈیندن

شاکر دشمن لحاظ کردن تے ❤️یار مرنڑ دی مار ڈیندن 🙏

,,,

ساریاں سیّاں کٹھیاں تھیّاں رل کول سسی دے گئیاں قدمیں پیّاں۔

کیتے اَرلے پَرلے تَرلے بہوں  بہوں اُچیاں نِیویاں تھیّاں روندیاں رہیاں۔

مقصد مُول حصول نہ  ہویا آخراو تھک پیّاں     ساریاں سیّاں۔

عشق نوں لت دی مت ہے آڈھؔا اِتھے کوششاں کرنیاں کہیاں ضائع گیاں۔

.....

کاں ھے  ناں  لالی ھے 

دنیا ساری  گالھی ھے

میلے  دی   تیاری  ھے 

جیب ساڈی خالی ھے

ابے  دا  پچھانواں ھے 

گھر ساڈے  ٹالھی ھے

ہاں  پھٹ و  پھٹ ھے 

تیڈی  جاہ  حالی  ھے

پوہ  تیڈیاں  یاداں ہن

چاہ   دی   پیالی   ھے

تُساں تاں سیانڑیں او

ثوبیہ  تاں  گالھی ھے