saraikiwaseeb ,instagram best saraiki poetry page is saraiki waseeb

 ساڈا سرائیکی وسیب نتکانی  

سرد سیالا ماری ویندے

   رات وِچالا ماری ویندے

قُرب دی شال ڈیوا پٹھ صادق

     پوہ دا پالا ماری ویندے

...

ساڈی چنج توں اشتر چوگ ڈٹھی۔۔۔

جڈاں سڑدے آھلنڑے یاد آ گۓ

۔۔۔

اپڑیں بالیں دی سوچ سونہڑی کر

اپ   مسئلے   نبیڑ   غربت   د ے

کچے ذہنیں تے خوف بہھ ویسی

چلھ تے قصے نہ چھیڑ غربت دے

..

ﺗُﻮﮞ ﮐﮭِﻞ ﭘﻮﻧﻮﯾﮟ

ﮈُﮐﮫ ﺑﮭُﻞ ﻭﯾﻨﺪﻥ

ﺳﺎﮈﮮ ﮈُﮐﮫ ﺑﮭُﻠﻮﺍ

ﺗُﻮﮞ ﮐﮭِﻞ ﺑﯿﭩﮭﺎ..

...

تیڈی یاد دا پٹنڑاں پٹنڑاں پۓ تیڈی مونجھ کوں گلکڑیاں پاتیاں ہن۔۔

ساڈے ہاں دیاں تاکیاں کھول تاں صیح ساڈے ہاں ت ہجر دیاں کاتیاں ہن۔۔

سر قہر آۓ سانول بھوگ ودا تائیں پیت دیاں باریں چاتیاں ہن

ساڈیاں ہجتاں قاصر  کیا پچھدائیں کجھ گونگیاں ہن کجھ باتیاں ہن۔۔۔عثمان قاصر گاڈی۔۔

..

سُنڑا سنگتی نکھڑ کے توں کیرھی منزل تے ونج پہنچیں ؟

میکوں تاں میڈی شہ رگ تئیں سفر دے شوق شَل کیتے

..

شکلاں کر کے غور ڈسو ہاں

چل پے کینجھا دور ڈسو ہاں

دل چوری تھے ہونڑے تھے

کیہرا ہوسی چور ڈسو ہاں

..

ڈوھڑہ

میڈا رونڑ جیکر  نئیں  سانہدا  ھک منت  لاوے  نا روساں

اوکوں أکھو ڈنہہ اچ ھک واری میڈے نال ألاوے نا روساں

یا ایں کر بھاویں سال دے وچ میڈو پھیرا پاوے نا روساں

کوئ ارشد شوق توں نئیں روندا اوندی مونجھ نا آوے نا روساں

..

توڑے شہر اچ جھیڑے لکھ ہونون اساں شہر دے بارھو ہک ہیں, بارے بھک ہیں

اساں قبر تائییں ساتھ نبھیندے ہیں ہر یار دی رکھدے سک ہیں ,بارے بھک ہیں۔

 ہر سجنڑ لئو ماکھی! دشمن کوں ویندے گھونڑیں وانگوں بک ہیں, بارے بھک ہیں

اساں نورو لوک ملاریے نئیں, گئے خان دے ناں تیں وک ہیں, بارے بھک ہیں

....

محبت کر سگیں جیکر تاں ول ہتھ کوں ودھا ساڈو

وڈے آوکھے اے رستے ہن جے آ سگدیں تاں آ  ساڈو

....

بے  بہا  مونجھ  ہے

ہک دفعہ مونجھ ہے

مٹ  ونڄے  بن  ݙٹھے

او وی کیا مونجھ ہے

لہہ ونڄے تس تاں نئی

با خدا   مونجھ   ہے

جتھ  ڳیاں  مر  پیاں

ہر  جگہ  مونجھ  ہے

...

میڈے سینے تے وار کیتی گئے 

وار سینے کوں پار کیتی گئے 

جیڑا ہک پل نہ دور  تھیندا  ہا 

گے تاں اکھیں کوں تار کیتی گئے 

باقی ہر شئے میں کوڑ سمجھی ہم

رس ونجنڑ وی تاں کار کیتی گئے 

لوک کھلدن اے ڈیکھ میکوں ہُن 

سک تاں اینجھی سوار کیتی گئے 

 وقت ہا تاں ہا یار ہاسے کل 

سب تماشے وی یار کیتی گئے 

مر میں ویساں تے جان چھٹسی اے 

جیویں جیونڑ خوار کیتی گئے 

ہار میڈی دے ڈیکھ ڈکھ ارشد 

بیڑا غیریں دا پار کیتی گئے